“Dita Ndërkombëtare e Gjuhës Rome”
Sot, në “Ditën Ndërkombëtare të Gjuhës Rome”, festojmë trashëgiminë e pasur kulturore dhe gjuhësore të këtij komuniteti. Gjuha është themeli i identitetit, dhe për ne është detyrë të mbrojmë e promovojmë këtë pasuri përmes edukimit dhe përfaqësimit dinjitoz në shoqërinë tonë.
Si organizatë, kemi ndërmarrë hapa të fuqishëm për të avokuar për përfshirjen e gjuhës, kulturës dhe historisë së këtyre komuniteteve në librat shkollor. Kërkojmë që të rinjtë të njihen dhe të mësojnë rreth diversitetit që na pasuron si shoqëri, duke ndërtuar një të ardhme ku të gjithë ndihen të pranuar dhe të respektuar.
Njëherazi, angazhohemi që identiteti i secilit komunitet të respektohet në jetën publike, në politikë dhe në media, duke përjashtuar përdorimin e termit “RAE” dhe duke nderuar veçantinë e çdo komuniteti.
Përfshirja e gjuhës dhe kulturës në jetën publike është hap drejt barazisë dhe bashkëjetesës. Le të përkujdesemi së bashku që secili zë të dëgjohet dhe secila gjuhë të flitet.________________________________________________
Karta që shpall 5 Nëntorin Ditën e Gjuhës Rome në Republikën e Kroacisë (5 nëntor 2008, Zagreb, Kroaci)