Punëtoria për ngritjen e kapaciteteve të mediatorëve

📍 Punëtoria për ngritjen e kapaciteteve të mediatorëve: dy ditë mësimi, motivimi dhe mobilizimi!
Gjatë kësaj jave u zhvillua një punëtori dyditore për fuqizimin profesional të mediatorëve të terrenit që punojnë me komunitetet rom, ashkali dhe egjiptian. E organizuar nga OJQ “ Voice of Roma, Ashkali and Egyptians”, kjo punëtori solli bashkë përvojë, përkushtim dhe ide të reja për të ndërtuar ura komunikimi mes komuniteteve dhe institucioneve.
🎯 Çfarë u trajtua gjatë këtyre dy ditëve?
▪️ Bazat e ndërmjetësimit dhe roli kyç i mediatorëve si ura lidhëse mes qytetarëve dhe shërbimeve.
▪️ Aftësitë për ndërtimin e besimit dhe bashkëpunimit me përfaqësuesit lokalë.
▪️ Përdorimi i teknologjisë për mobilizim dhe raportim në komunitet.
▪️ Kuptimi i realitetit socio-kulturor të komuniteteve rom, ashkali dhe egjiptian.
▪️ Menaxhimi i stresit dhe motivimi personal në një punë që shpesh bëhet në hije, por me ndikim të madh.
▪️ Njohuri praktike mbi procedurat administrative e financiare për punën në terren.
🧭 Udhëheqës i punëtorisë ishte Z. Senad Ibishi, i cili me përvojën e tij solli jo vetëm informata të rëndësishme, por edhe reflektime thelbësore mbi rolin që luajnë mediatorët si aktorë të ndryshimit në komunitet.
🔚 Punëtoria u mbyll me reflektim të përbashkët dhe planifikim të hapave konkretë për veprim në terren, duke theksuar rëndësinë e bashkëpunimit, qëndrueshmërisë dhe kujdesit për vetveten në këtë punë sfiduese, por shumë domethënëse.